BSI, Aizawl Auxiliary

Bible Society of India (BSI), Aizawl Auxiliary makaite in Lai Siangtho a khetsak uh pen mipite adingin kicing vet lo ahih manin kum 2014 sungin copy 21,226 khet beh sawm uh hi. 

 

BSI Aizawl Auxiliary Secretary Upa C. Thangngilhlova in tulaitakin Mizo Bible a lui Holy Bible copy 57,023 leh Thuciam Thak bu 18,068 kikhen laitak ahihna leh, mai kum ciang Holy Bible copy 18,294 leh Thuciam Thak copy 2,932 kikhen ding ahih manin a deihte adingin kicing deuh ding ahihna thu pulak hi.

BSI, Aizawl Auxiliary nuaiah Mizoram, Tripura leh South Assam (Hailakandi, Cachar, Karimganj)-te om uh a, mi 82,88,870 om uh hi.

BSI, Aizawl Auxiliary in Mizo, Bengali, Hmar, Kau-Bru, Kok Borok, Lai, Mara, Paite, Falam leh Tedim pau tawh Lai Siangtho khetsak ta uh a, a huam sunga pau 18 omte lak panin a khetsak nailoh paute tawh zong mai lamah Lai Siangtho khetsak sawm uh hi.

BSI Aizawl Auxiliary-a kihel pawlpite pen - Assembly of God, Baptist Church of Mizoram, Congregational Church of India, Chin Baptist Convention, Church of North India, Christ Redemption Church, Evangelical Baptist Convention, Evangelical Church of Maraland, Evangelical Free Church of India, Independent church of India, Isua Krista Kohhran (Bualpui NG), Lairam Isua Krista Baptist Kohhran, Methodist, Presbyterian Church of India, Roman Catholic, Seventh Day Adventist, Salvation Army, UPC (NEI) leh Zomi Baptist Church-te ahi hi.. (Vl. 19.8.2013)