MITE LEH KOTE

MITE LEH KOTE

1.       Mite in sum tampi a neih uh hang kitasam a om ding lau uh a, kote in nisim nek khop ka kitasam kei uh a, a ban Pasian in ngaihsun zel hi.

2.      Mite in na hoih nono a neih uh ciang, “Pasian thupha” ci uh a, kote in natna leh dahna ka tuahte uh, “Pasian Thupha” ka ci uh hi.

3.      Mite in a tul a then zangin leitung ah nungta uh a, kote in thuman zangin leitungah ka nungta uh hi.

4.      Mite in sih ding lau uh a, kote in Pa kiang tunna lampi cih thei in ciah ding ka ngaklah uh hi.

5.      Mite in leitung bei thei lo ding banga ngaihsun in minthanna zong uh a, kote in kiniam-khiatna ka zong zaw uh hi.

6.      Mite in amau aituam ding zong hamphatna khempeuh ngah sawm uh a, kote in midangte adingin lametna bawlsakin, thupha ngahsak ka sawm zaw uh hi.

7.      Mite in a hoihloh ding uh lau a, kote in mi hoihna ka zong zaw uh hi.

8.      Mite in kilah khiat ut uh a, kote in inn dei sungah thu ka ngen uh hi.

9.      Mite in pahtawi ding ut uh a, kote in mite ka pahtawi zaw uh hi.

10.    Mite in tawldam taka sep a, thaman tampi ngah ut uh a, kote in nasep tawh kituaka thaman ngah ka ut uh hi.

11. Mite in minphatna khempeuh ngah nuam uh a, kote in min dai zong phamawh sa loin thudik ka gum uh hi.

12. Mite in na hoih lo a sep uh hang nang leh kei in na hoih bek sem ni.

(ZBYF Tangko June 2013)